ஏத்தமடி  இராமக்கல்லு
இறக்கமடி தண்ணிப்பாற
தூரமடி நம்ம கோம்ப
தொடர்ந்து வாடி நடந்து பார்ப்போம்

பட்ட மரம் பாளையமாம்
படர்ந்த மரம் களிமேடு
கும்ம மரம் கோம்பையாம்
குயிலிருந்து கூவுதடி

தவளை குலவையிட
தாமரையோ பூ மலர
தவளைச் சத்தம் கேட்டவுடன் - நீங்க
தள்ளி நடை கொள்ள வேணும்

கல்லுக்கட்டி வில்லை மரம்
கவுரோடி ஆலமரம்
நெல்லுக்கட்டுப் போகுதில்லோ
நீதியுள்ள கோம்பையாம்

தோணுதடி தோணுதடி
தூரந்தொலை தோணுதடி
அன்பான கோம்பையாம்
ஆலமரந் தோணுதடி

மானிருக்கும் மடடப்பாறை
மயிலிருக்கும் சின்ன வாய்க்கால்
தேனீருக்கும் கோம்பையாம்- நீங்க
தேடிவந்தா லாகாதோ

உப்புத்தண்ணி கோட்டையூரு
உவருத்தண்ணி பாளையமமாம்
தேங்காத்தண்ணி கோம்பையாம்-நீங்க
தேடிவந்தா லாகாதோ

ஊரைச்சுத்தி புளியமரம்
உலுப்பிவிட்டா கலகலக்கும்
பேருபோன கோம்பையாம்
பிரளுதில்லோ கலுங்குத்தண்ணி

நித்தம் நித்தம் நெல்லுச்சோறு
நெய் மணக்கும் கத்திரிக்காய்
பூ மணக்கும் கோம்பையாம்
போக மனங்கூடலயோ !

   ஏட்டில் எழுதா கவிதைகள்
     சே.அன்னகாமு.

      1951